सबैको विनाशकर्ता, सबैको निषेधको अवधि र साक्षीभूतलाई अस्वीकार गर्दा शून्य पनि अप्रामाणिक हुनेछ। त्यसैले त्यही सबैभन्दा अबाधित, सर्वबाधको अधिष्ठान एवं साक्षीभूत अस्तित्वको सत्ता नै भगवानको 'वास्तविक' वा 'सत्' रूप हो।

धर्मको रहस्य गुफाभित्र लुकेको छ, अर्थात् धर्मलाई यथार्थ र साङ्गोपाङ्ग बुझ्न निकै कठिन छ। त्यसैले, धर्मका रहस्यवेत्ता महाजनहरूले जुन मार्ग अपनाएका र उपदेश गरेका छन्, त्यही नै धर्मको मार्ग हो।

सनातनधर्ममा 'पशुबलि' अत्यन्त गहन र विस्तृत विषय हो। वेदादिशास्त्रबाट अहिंसापरक वचनहरू तथा हिंसा र मांसाहारबाट हुने दुष्परिणामका वचनहरू प्रस्तुत गरेर त्यसैको आधारमा बलिको खण्डन गर्ने प्रयास गरिएको पाइन्छ।